MBATHI 95 - 119

  YESŨ NĨWOOKIE KŨŨ NTHĨ (Jesus who lived above) 1. Yesũ nĩwookie kũũ nthĩ Akyũma kwake ĩtunĩ: Ĩvukunĩ nĩtũsomaa Ũndũ waĩ mwana wa Ngai.  2. Nĩwaendie mĩsyĩ mũno One awau na anyamai; Onthe makĩmũthengeea,  Nake akĩmavosya vyũ.  Na ĩndĩ, amatavisye Ũvoo wa wendo ũũ wa Ngai: Ũndũ wamaekee naĩ,  Na ũndũ ũmasũvĩaa.  3. Ĩndĩ andũ maleile,  Makĩmũkwata mamũae,  Makĩmwamba vau mũtĩnĩ Matesĩ aĩ Mwovosya woo.  4. Ti atĩ aĩ mũthũku,  Ndaĩ na ĩvĩtyo nongi; Ĩndĩ eetĩkĩla kũkw'a Kana atwovosye ithyĩ.  (Amen)

  NĨNGWENDA ŨVOO WA YESŨ (It is just like Him) 1. Nĩngwenda ũvoo wa Yesũ mũno,  Wendo wake nĩwaũseng'ya mũno Nĩwaumie ĩtunĩ akwa vo ngelany'onĩ,  Nĩ ũvoo wa wendo mũnene mũno.  Ũndũ ũtilyĩ ndekea nyie vyũ,  Ũndũ ũtilyĩ nĩwangwiĩe nyie Nĩkana nyie nĩvike vala we wĩkalaa.   2. Nĩngwenda kũsoma ũndũ we waendaa,  Kũndũ kw'onthe nĩweekaa wĩa mũseo,  Ilalinda syasalukw'a na awau mavow'a,  Syana nini nĩ-sya-mwendaa Yesũ.  3. Naw'o wĩko wa Yesũ ngelany'onĩ,  Wonanasya wendo mũnene mũno,  Nthakame yetĩka nthĩ nĩkana tũtangĩĩwe,  Na nĩwaĩvie mathiĩ maitũ.  (Amen)

  NA ŨNĨ ŨSU YOANA AMWONA (He has taken my sins away) 1. Na ũnĩ ũsu Yoana amwona,  Yesũ okĩte kwake.  Na asya onai kalondu ka Ngai,  Kala kakaumya naĩ.  Onai ũũ nĩwe naneenie,  Ũndũ wake atĩĩ ĩtina wakwa,  Nĩvokĩte mũndũ ũla wĩ mbee,  Nũndũ aĩ mbee wakwa.  2. Na ndyamwĩsĩ ĩndĩ nĩkana.  Onanwe kwa ĩsilaeli,  Kwondũ wa ũu nyĩe nĩnookie,  Ngĩvatisa andũ.  3. Na Yoana ethwa na ũkũsĩ,  Akyasya nyie nĩnoonie,  Ũla Veva Mũtheu wa Ngai,  Aimũtheea kuma ĩtunĩ.  4. Ta ĩvũĩ na wamũvũĩla,  Nakwa ndyamwĩsĩ ĩndĩ,  Ũla wandũmie kũvatisa,  Na kĩw'ũ ambĩie.  5. Ũla ũkona Veva Mũtheu,  Aimũtheea we,  Na aimwĩkaĩla ĩũlũ.  Ũsũ ena Veva.  (Amen)

  AKASINDA ASUMBĨKE (Zion's king shall reign victoriously) 1. Akasinda asumbĩke Mũsumbĩ wa Saioni,  Ataĩwe tene w'onthe,  Ekalĩte ndaĩanĩ.  2. Na ngo syonthe syĩ kũasa Nikaa kyona kyeni Ũtukũ nũkaaũalyũla Avete kĩvindu vyũ.  3. Nĩmakaũmantha mũno,  Andũ ma Isilaeli; O na'la mamũtonyie Nĩmakaaĩa mũno.  (Amen)

  ŨTHAYŨŨKYE WĨA (Revive thy word o Lord) 1. Ũthayũũkye wĩa,  Ũtambũũkye kw'oko; Neena na wasya mũnene,  Tũamũkye mũno.  2. Ũthayũkye wĩa,  Naitũ tũthayũkye; Mawonzu maitũ mathele Tũmũthũkũme we.  3. Ũthayũkye wĩa, Utũne waũni,  O na nzaa ya ũlũngalu; Kwa Veva Mũtheu.  4. Ũthayũkye wĩa,  Ũsũng'ũkye syĩtwa; Ũtwĩke wendo mwingĩ; Twendane ithyonthe.  5. Ũthayũkye wĩa,  Tũthangasye mũno; Ndaĩa yaku Mwĩaĩi.  Tũathime ithyĩ.   (Amen)

  WAAMBA KWĨW'A (Just the same today) 1. Waamba kwĩw'a atĩ Yesũ asyaĩwe Vethelemu? Athaithwa nĩ alaĩka na andũ oĩ na atheu? Amatavisye andũ ata yĩla waĩ ĩkalũnĩ? Nĩ mũtanu ngĩtavany'a Yesũ ndena ũalyũko.  Yesũ ndena ũalyũko Yesũ ndena ũalyũko,  Akĩmantha andũ au.  Akĩmovosya athe nĩw'o,  Yesũ ndena ũalyũko.  2. Waamba kwĩw'a atĩ Yesũ aingĩle ũkanganĩ,  Ena amanyĩw'a make ũkanga wa Kalilii,  Waĩ na itulumo nene vyũ aikany'a syakilya? Nĩngũtana ngĩmũtavya Yesũ ndena ũalyũko.  3. Waamba kwĩw'a atĩ Yesũ avoyee Ngesemanii,  Kana kwĩw'a ũvoo wake ũndũ wakw'ie mũtĩnĩ? Ekĩtwe ngovia ya mĩw'a alekya thayũ wake? Ekie ũu nũndũ waku wose thayũ ũtathela.  (Amen)

  MWOVOSYA NĨWOOKIE (Man of sorrows) 1. Mwovosya nĩwookie,  Etawa mwene thĩna! Nake nĩ Mwana wa Ngai,  Yesũ Klĩsto, Mũtangĩĩi.  2. Nake nĩwasilĩlwe,  Akw'ĩte ngelany'onĩ Kana atũtangĩĩe; Yesũ Klĩsto, Mũtangĩĩi.  3. Ĩthyĩ twaĩ ũthũkunĩ,  Nake aĩ mũtheu vyũ; Na nĩwatwĩw'anĩthye,  Yesũ klĩsto, Mũtangĩĩi.  4. Athayũkie ĩngĩ,  Akyũma vu ngunganĩ; yu atwĩe ĩtunĩ,  Yesũ Klĩsto, Mũtangĩĩi.  5. Yĩl'ũkoka, Mũsumbĩ,  Atũtwae vala ũĩ,  Tũkamũkatha mũno,  Yesũ Klĩsto, Mũtangĩĩi.  (Amen)

  TWĨSISYA KŨYA KAIVALĨ (O for a thousand tongue to sing) 1. Twĩsisya kũya Kaivalĩ.  Ve ũmwe wambiwe Katĩ wa ala masilĩlwe; Nĩwe Mũtũtangĩĩi.  2. Nĩ ũndũ wa ũvĩtyo mwaũ Wathĩniw'e kũũ nthĩ? We ndavĩtĩtye, ĩndĩ Ngai Nĩwatũthembee we.  3. Nĩw'o, Yesũ nĩwetie Nthakame yake nthĩ,  kana mũvĩtany'a takwa Nĩekewe nĩ Ngai.  4. Na ĩngĩ Yesũ akooka,  We, Mũtangĩĩi wakwa; Ngoona vala watonyiwe Na ndĩkasilĩlwa.  (Amen)

   AMBAITŨ (Sometimes we'll stand before the judgement) 1. Ambaitũ, nĩva va ũvĩtya thaũ? Nthembonĩ syonthe kũũ,  Nĩ yĩva nthembo ya nthakame ntheu Yĩtĩkĩlwa nĩ Ngai.  Nĩngũĩkĩĩa nthembo ya Yesũ,  Nĩyo yĩa'nĩe ithy'andũ Ngai nũmĩtĩkĩla yake vyũ,  Ĩsu ya Yesũ.  2. Ĩtumo nĩyamũtonyie mwĩĩ.  Na mĩsumalĩ maũũ,  Nĩweekĩiwe ngovia ya mĩw'a,  Kana nĩvĩtye thaũ.  3. Twavika ũsĩ ũla wa kĩkw'ũ,  Tũkon'ũtethyo mwaũ Nthakamenĩ ya mbũi, o na nzaũ,  Itĩ na wovosyo.  4. Na kũthaitha Ngai sya nthĩ ĩno,  O na kwĩthembea,  Nĩ mana'vyũ, a-mbaitũ, ekai ũu,  Yesũ nowe wa w'o.  (Amen)

   NGĨLILIKANAA YESŨ KLĨSTO (When I survey the wondrous cross) 1. Ngĩlilikanaa Yesũ Klĩsto Ũndũ wangw'ĩĩe mũkelany'onĩ,  Moseo makwa ndimatalaa,  Nĩlea onthe na ngoo yakwa 2. Onai itaa na nyaĩĩ syake! Na ngoo, yake yauma nthakame.  Kũtiĩ thĩna katĩ wa andũ Kana wendo wĩanĩe ũũ.  3. Ndĩkethĩwe nyie kwĩkathĩĩa Ndĩna vinya kwĩtethya mwene,  Syĩndũ syonthe nĩ nasyo kũũ Nĩnĩleketye ũtanu.  4. Syĩndũ syakwa syaingĩva Itĩanĩsya mavata makwa: Wendo wa Yesũ nũnzaanĩasyaa Ũndũ watumie angw'ĩĩa!.  (Amen)

  NĨW'O YESŨ NĨWAKWIE (Why my saviour bleed) 1. Nĩw'o, Yesũ nĩwakw'ie Nũndũ wa naĩ sitũ; Nĩwetĩkisye nthakame Kana atwovosye.  Nĩngũĩkĩĩa, nĩngũĩkĩĩa,  Yesũ nĩwangw'ĩĩe; Ngelany'onĩ nĩwakw'ie Athasye mawathe.  2. Aumisye thayũ wake,  Nthembo ya Ngai kwitũ,  Na thĩnanĩ tũtamanya kw'a atwovosye.  3. Nĩngũnenga Ngai ngoo yakwa,  Nĩngwĩnengane vyũ,  Andekee naĩ, n'andangĩĩe,  Ambikye ĩtunĩ.  (Amen)

  YĨLA NĨTHINGĨTHANGAW'A (I know who pilots me) 1. Yĩla nĩthingĩthangawa,  Nĩ maũndũ ma nthĩ ĩno; Ĩndĩ vatĩ ũndũ nongi,  Nũndũ nĩnĩsĩ Mũtangĩĩi.  Ĩĩ nĩnĩsĩ Mũtangĩĩi 4/4 Ambiwe ngelany'onĩ mbai,  Nĩwoonie thĩna mũno,  Athĩniwe nũndũ witũ.  2. Mũthenya ũmwe nĩnonaa,  Mathĩna maingĩ mũno; Ĩndĩ vati ũndũ nongi,  Nũndũ nĩnĩsĩ Mũtangĩĩi.  3. Mũthenya mweũ wavika,  Nĩngamwona Mũtangĩĩi,  Na nĩngathi kũu ĩtunĩ,  Nũndũ nĩnĩsĩ Mũtangĩĩi.  4. Mwĩaĩi wakwa nũndongoesyaa,  Nake nowe ũnzũvĩaa; Nĩngũmanya nĩ kyalonĩ,  Nũndũ nĩnĩsĩ Mũtangĩĩi.  (Amen)

   MWANA WA NGAI (He was not willing that any should perish) 1. Mwana wa Ngai nĩwakw'ie mũtĩnĩ; Nĩwakusiw'e nĩ wendo mũvyũ; Akw'a we nĩ kana atũtangĩĩe Kuma ũthũkunĩ wa ngoo sitũ.  Andũ au, nthĩ ĩno ũkai mwĩw'e Ndeto ii, sya wendo wa Ngai: Yesũ ndekwenda ũmwe anangĩke Katĩ wa ala makĩlaw'a nĩ naĩ.  2. Andũ maitũ matimwĩsĩ yesũ Ũla wakwie amatangĩĩe Nĩ ililinda na syonze ngoonĩ,  Mate nake maivika kwa Ngai.   Oonthe au, nthĩ ĩno me kĩvindunĩ; Ũla wĩ tei nũũ, wa ũmamanthaa? Yesu ndekwenda ũmwe anangĩke Endaa mamanye nĩ mũvonokya.   3. Yesũ akwie vo mũkelanyonĩ,  Aũmya thayũ amatangĩĩe: Ĩndĩ nĩ ũndũ witũ ũmatavya; Vati nzĩa ĩngĩ ya kũthi kwake.  Andũ au, nthĩ ĩno mwĩw'e Ũvoo wa Yesũ, Mũtangĩĩ wa nthĩ? Akatwia 'ta twalea ũmatavya? Tũkasonokw'a twavika kwake.  (Amen)

   KAIVALĨ (Calvary) 1. Kũu kaivalĩ nĩwangwĩĩe; Mũtangĩĩ nĩwambiwe Ngelanyonĩ nũndũ witũ,  Atũthooa atũvonokye Kũu kaivalĩ kwaĩ kĩvindu,  Va wetĩkisye nthakame,  Kũu kaivalĩ kwĩ ũathimo,  Vala mwĩaĩi wangwĩĩe 2. Mavia matũka katĩ,  Na kwaĩ kĩvindu nthĩ yonthe; N'avingũa nzĩa ya w'o Ya ũthi mũsyĩ ĩtunĩ.  3. Yesũ e wendo mũnene,  Etĩkĩlile kũngwĩĩa,  Ne ekuĩa ngelany'o,  Akĩnyamaa nũndũ wakwa.  (Amen)

   MŨSUMBĨ WA THAYŨ WAKWA (Lead me to calvary) 1. Mũsumbĩ wa thayũ wakwa,  Nĩngũkũtaĩa yu; Ndikolwe n'ĩla ngovia Weekĩiwe ya mĩw'a.  Ngĩlilikana kaivalĩ,  Ndikolwe nĩ mawoo maku,  Ndikolwe nĩ wendo waku,  Yĩla wandangĩĩe.  2. Mbony'a Yesũ ngoonĩ yakwa,  Wendo wa tei waku,  Nĩ kana nĩmony'e angĩ,  Wendo ũsu waku.  3. Ndethya Mwĩaĩi ,  Nĩkalae, Nĩ vakuvĩ naku; Manyĩsya yu matei maku,  Ndongoesya nyie.  4. Nĩthĩwe nĩyũmbanĩtye,  Kũkua ngelany'o,  Na kũmĩĩsya mathĩna,  Nĩ wĩanĩ waku.  (Amen)

   NĨ NTHAKAME YĨ UATHIMO (Blessed be the fountain) 1. Nĩ nthakame yĩ ũathimo Ĩtheasya aa ene naĩ.  kwa Yesũ ve ũvonokyo; Ndaĩa yonthe nĩnengwe Ngai,  Nyie nĩnaĩlwe n' ũsilĩlo.  Naemiwe nĩ kwĩthesya mwene; Nthambya nthakamenĩ ĩsu,  na ngeeth'wa nĩ mũtheu vyũ.  Ngeeth'wa mũtheu vyũ Ngeeth'wa mũtheu vyũ Nthambya nthakamenĩ yaku .  na ngeeth'wa nĩ mũtheu vyũ.  2. Yesũ nĩwekĩiwe mĩw'a,  Nĩwambiwe ngelany'onĩ,  Aĩ na kyalya kingĩ mũno,  Akĩmantha kũndangĩĩa.  Ĩĩ ve ũsĩ wa nthakame,  Nĩenda ngatuunye vau oyu: Nowe ũtonya kũnthesya Na ngeeth'wa nĩ mũtheu vyũ.   3. Asa ninyie mũtavany'a,  Ngoo yakwa nĩ nthũku mũno.  Naĩ syakwa nĩ mbingĩ mũno' Nĩnzũanĩwe wa kwĩka,  Yesũ, ninyie ũsu nĩũngyĩ.  Usĩnĩ wa nthakame yaku; Nthambya nthakamenĩ ĩsu na ngeethw'a mũtheu vyũ.  (Amen)

   MŨSUMBĨ YESU MWĨAĨI (Majestic sweetness) 1. Mũsumbĩ Yesũ Mwĩaĩi,  Nĩ mũnene,  Ũseo wake mũnene,  Ũkathwe oyu Ũkathwe oyu Nĩwambonie nĩ na naĩ,  Ndena wa kwĩndethya.  Na ndaasonoka kũngwĩĩa,  Mũtĩnĩ mũthũku Mũtĩnĩ mũthũku 2. Na kũti wendo kũkũ nthĩ.  Wĩana ũ wake,  wendo wa kwenda andũ au Na kũmatangĩĩa Na kũmatangĩĩa 3. Thayũ ũũ ũla nĩ waw'o,  Nanengiwe nĩwe,  Nĩ na ũtanu mũno nyie.  Natw'ĩka wake vyũ Natw'ĩka wake vyũ 4. Ũla wendaa ũekewa ,  Naĩ syake syonthe vyũ,  Nĩoke amwĩtĩkĩle.  Na kwĩnengane vyũ Na kwĩnengane vyũ 5. Akoka ĩngĩ Mwĩaĩi Asumbĩke kũũ nthĩ.  Tũkamũtaĩa mũno mbee.  Twamwona Mũtangĩĩi Twamwona Mũtangĩĩi (Amen)

   MŨKELANYONĨ WA MŨTANGĨĨI (Down at the cross) 1. Mũkelanyonĩ wa Mũtangĩĩi Yĩla navoyie wovosyo,  Nĩvo wandangĩĩe, nĩ mwathe,  Mwana ũũ wa Ngai.  Mwana ũũ wa Ngai, nĩwe,  Mwovosya wakwa, Yesũ; Nĩwambovoisye Mũtangĩĩi,  Mwana ũũ wa Ngai.  2. Mũtĩnĩ ũsu wa wovosyo Nĩnamũvoyie anthesye,  Na nĩvo Yesũ wandangĩĩie,  Mwana ũũ wa Ngai.  3. Nĩwanumisye mavĩtyonĩ,  N'andwĩkĩthisye kana kake,  Yĩla wambiwe vau mũtĩnĩ Mwana ũũ wa Ngai.   4. Yesũ nĩwe ũsĩ wa thayũ: Ũmũnthĩ ũlike vo kwake Nĩvo ũkoona ũtangĩĩo,  Kwa Mwana wa Ngai (Amen)

  YESŨ NĨWAMBENDIE (Amazing grace) 1. Yesũ nĩwambendie nyie,  Mũndũ mũthũku vyũ,  Amantha nĩ naĩnĩ ki,  Akw’a andangĩĩe.  2. Ĩnee yake nĩ ĩnene ũu Nĩ ya ũnzeny’a nyie Nũndũ vatiĩ mũndũ kũũ nthĩ Waakw'ĩĩa nthũ syake 3. E tei mũnene mũno we,  Na andekea vyũ; Nĩwe mũseo na wa w’o,  Yesũ, Mũtangĩĩi.  4. Nĩwe wĩkwatyo wakwa yu,  Wĩkwatyo mũlũmu,  Na nĩwe ngao ya ngoo yakwa.  Ya kũnzesea kũũ.  5. Maũndũ onthe make yu Nĩ ma andũ make.  Mumo mwingĩ wa Mwĩaĩi Mumo wa ũnzengy'a.  (Amen)

  YESŨ ASYA NĨWATHELA (I will trust) 1. Yesũ asya nĩwathela nyie nĩngwĩtĩkĩla Enamya mũtwe akw'a nyie nĩngwĩtĩkĩla Anthasya mũio wa naĩ na aĩva thiĩ wakwa Na noosa mũuo wake, nyie nĩngwĩtĩkĩla Nyie nĩngwĩtĩkĩla,  4x4 Nyie nĩngwĩtĩkĩla,  Nyie nĩngwĩtĩkĩla,  Na ndĩkakĩa nongi.  2. Mwĩaĩi nĩngũka kwaku nyie nĩngwĩtĩkĩla,  Nue weka ngao yakwa nyie nĩngwĩtĩkĩla Mbetea mũio wa naĩ nĩwose mumo waku,  Nĩkwĩkwatĩtye Mũndangĩĩi, nyie nĩngwĩtĩkĩla.  3. Ndina w'ia kana nzika nyie nĩngwĩtĩkĩla Mwĩaĩi vamwe nakwa nyie nĩngwĩtĩkĩla,  Nũke vakuvĩ naku nĩkalae vamwe naku,  Nĩvithe nthwaunĩ syaku nyie nĩngwĩtĩkĩla.  (Amen)